კავშირები, რომლებიც წარმოადგენენ მეზღვაურებს და საზღვაო დამსაქმებელთა ჯგუფებს, შეიკრიბნენ, რათა ხელი მოაწერონ ურთიერთგაგების ახალ მემორანდუმს (MOU), რაც აღნიშნავს „თანამშრომლობის სულისკვეთებას“, გადაზიდვის ინდუსტრიის ერთობლივ ძალისხმევას პანდემიის განმავლობაში.
მემორანდუმის ხელმომწერები არიან:
- ITF – ტრანსპორტის მუშაკთა საერთაშორისო ფედერაცია (ITF);
- ICS – საერთაშორისო გადაზიდვების პალატა;
- IMEC – საერთაშორისო საზღვაო დამსაქმებელთა საბჭო.
მემორანდუმი არის დიალოგის გაღრმავების პროცესის საწყისი. ხელმომწერი ორგანიზაციები იმედოვნებენ, რომ მეტი პარტნიორი შეუერთდება საერთო საქმეს, მომდევნო წლების განმავლობაში.
„ჩვენი ინდუსტრია გაერთიანდა მეზღვაურების ადვოკატირებისთვის ეკიპაჟის ცვლილების კრიზისის დროს და ჩვენ მნიშვნელოვანი წარმატებები გვქონდა მათი სახელით. ახლა ჩვენ გვსურს თანამშრომლობის ეს სულისკვეთება, გავაღრმაოდ და გამოვიყენოთ ახალ საერთო გამოწვევებისათვის. ეს მემორანდუმი დაგვეხმარება, ჩვენი პოლიტიკის დისკუსიების შემდეგ მნიშვნელოვან ეტაპზე გადასვლაში – ინდუსტრიის მოქმედებაში“ – განაცხადა ჰაინდელმა.
”პანდემიისა და ეკიპაჟის ცვლილების კრიზისის დროს ცხადი იყო, რამდენად მნიშვნელოვანია ეროვნული მთავრობები, ჩვენი გლობალური ინდუსტრიისთვის და მისი გლობალური სამუშაო ძალისთვის. სწორედ მათი გადაწყვეტილებები იყო განმსაზღვრელი, შეძლებდნენ თუ არა მეზღვაურების როტაციას“ – განაცხადა კაპიტანმა აჰმედმა.
