საერთაშორისო საზღვაო ორგანიზაციამ დაარსა 2 საერთაშორისო საზღვაო სასწავლებელი, სადაც ნებისმიერი საზღვაო ქვეყნის მოქალაქეს შეუძლია მიიღოს სამაგისტრო და სადოქტორო საზღვაო განათლება, ასევე გაიაროს მოკლევადიანი კურსები.
მსოფლიოს საზღვაო უნივერსიტეტი IMO-ს რეზოლუციით 1983 წლის 4 ივლისს ქალაქ მალმოში დაარსდა. უნივერსიტეტი დაინტერესებულ პირებს სთავაზობს მრავალფეროვან და უნიკალურ საგანმანათლებლო პროგრამებს მაგისტრისა და დოქტურანტურის ხარისხის მოსაპოვებლად. უნივერსიტეტი ასევე აწარმოებს ფართო კვლევებს საზღვაო და ოკეანესთან დაკავშირებულ საკითხებზე. მუდმივად ახორციელებს საზღვაო შესაძლებლობების განვითარებას გაეროს მდგრადი განვითარების მიზნების შესაბამისად.
დამატებითი ინფრომაციისთვის ეწვიეთ მითითებულ ბმულს – https://www.wmu.se/
საერთაშორისო საზღვაო სამართლის ინსიტიტუტი IMO-სა და მალტის მთავრობას შორის გაფორმებული ხელშეკრულების საფუძველზე 1988 წელს მალტაში დაარსდა. მთავარ მიზანს წარმოადგენს საერთაშორისო საზღვაო სამართლის სფეროს განვითარება და ოფიცრების შესაბამისი მომზადება. ბოლო სამი ათწლეულის განმავლობაში, IMLI-ს მუშაობამ ხელი შეუწყო საერთაშორისო საზღვაო სამართლის ექსპერტთა კადრის ჩამოყალიბებას, რომლებსაც შეუძლიათ მოამზადონ, განიხილონ და მიიღონ რჩევები საზღვაო კანონებისა და რეგულაციების იმპლემენტაციის შესახებ.
დამატებითი ინფორმაციისთვის ეწვიეთ მითითებულ ბმულს – https://imli.org/
