საქართველოს საგარეო საქმეთა სამინისტრომ 2023 წლის 21 მაისს განაცხადა, რომ გაბონის ტერიტორიულ წყლებში მიმაგრებული გემიდან გატაცებული ქართველი მეზღვაურები ტყვეობიდან გაათავისუფლეს საქართველოს საგარეო საქმეთა სამინისტროსა და სამხრეთ აფრიკაში საქართველოს საელჩოს უწყვეტი ძალისხმევის შედეგად.
მეზღვაურები ნიგერიაში სამედიცინო შემოწმებას გადიან და მათი ჯანმრთელობის მდგომარეობა „დამაკმაყოფილებელია“, – აღნიშნულია სამინისტროს განცხადებაში და ნათქვამია, რომ ისინი საქართველოში დაბრუნდებიან „უახლოეს რამდენიმე დღეში“, მათ მგზავრობას დამსაქმებელი კომპანია უზრუნველყოფს.
ქართველი მეზღვაურები 2 მაისს ცენტრალური აფრიკის ქვეყნის გაბონის ტერიტორიულ წყლებში მარშალის კუნძულების დროშის ქვეშ მცურავი გემიდან გაიტაცეს.
საზღვაო ტრანსპორტის სააგენტომ მადლობა გადაუხადა საქართველოს საგარეო საქმეთა სამინისტროს, საქართველოს გენერალურ საკონსულოს სამხრეთ აფრიკაში, ეთიოპიაში, ნიუ-იორკსა და სინგაპურში, ასევე გემის მფლობელ კომპანიას და ყველა ჩართულ მხარეს, „რომელთა ერთობლივმა მუშაობამ განაპირობა წარმატებული გათავისუფლება მეზღვაურების ტყვეობიდან”.
