“ბათუმის საერთაშორისო საკონტეინერო ტერმინალი, რომელიც 2008 წლიდან ოპერირებს ბათუმში, მიუხედავად დატვირთულობისა კვლავ აგრძელებს მნიშვნელოვანი ინვესტიციების განხორციელებასა და პროგრამების დანერგვას, რათა უზრუნველყოს მაღალი სტანდარტით მომსახურების მიწოდება.
პანდემიის მთელი პერიოდის განმავლობაში და ასევე შემდგომი რთული საბაზრო მდგომარეობის პირობებში, მაშინ როდესაც რეგიონში არსებული სხვა ტერმინალები მნიშვნელოვნად იყვნენ გადატვირთულები ბათუმის საკონტეინერო ტერმინალმა შეინარჩუნა მომსახურების მაღალი სტანდარტები.
ბათუმის საერთაშორისო საკონტეინერო ტერმინალის მიერ განხორციელებული დამატებითი ინვესტიციების გათვალისწინებით, ტერმინალი მზადაა გაუმკლავდეს გაზრდილ სატვირთო ნაკადს. ტერმინალის საოპერაციო ტერიტორია გაიზარდა დამატებით 6 ჰექტარით, რომელიც მოიცავს გარე ტერმინალს, მასზე არსებული 2 სარკინიგზო ჩიხით. აღნიშნული საშულებას აძლევს ტერმინალს დაამუშაოს და გაუმკლავდეს, არამხოლოდ ბოლო პერიოდში გაზრდილ ტვირთბრუნვებს, რომელთა გადაზიდვაც ხდება, როგორც საგზაო ისე სარკინიგზო ტრანსპორტის სახეობებით, არამედ ასევე უზრუვნელყოს უფრო მეტი კონტეინერის დაცლა, გადატვირთვა, რომლებიც დაკავშირებულია შუა დერეფანში გაზრდილ ვაჭრობასთან ერთად მომატებულ ტვირთბრუნვასთან.
ბათუმის საერთაშორისო საკონტეინერო ტერმინალმა, ასევე წარმატებით დანერგა საკონტეინერო ტერიტორიის დაგეგმვის თანამედროვე საოპერაციო სისტემა, რაც კიდევ უფრო გაზრდის სატერმინალო ოპერაციების ეფექტიანობას. გარდა ამისა, ბათუმის საერთაშორისო საკონტეინერო ტერმინალმა შეიძინა სრულიად ახალი, მძიმე მტვირთამწეობის სატერმინალო ტექნიკის დამატებით ერთეულები, რათა გააუმჯობესებსონ სამუშაო ხარისხი უფრო სწრაფად და ეფექტურად გაუწიონ მომსახურება მომხმარებლებს. ბათუმი საერთაშორისო საკონტეინერო ტერმინალი ახორციელებს ტვირთების უფრო სწრაფად დამუშავებას და მომსახურებას, ასევე კვლავ განაგრძობს შემდგომ ინვესტირებას საოპერაციო საქმიანობის გამარტივების, დაჩქარების, ეფექტინობის გაზრდისა და მომსახურების მაღალი ხარისხის შენარჩუნების მიზნით.
ბათუმის საერთაშორისო საკონტეინერო ტერმინალი არის ექვს კონტინენტზე უდიდესი, დამოუკიდებელი ტერმინალ-ოპერატორის ICTS Inc.-ის შვილობილი კომპანია”.
დეტალური ინფორმაცია ბათუმის საერთაშორისო საკონტეინერი ტერმინალის შესახებ შეგიძლიათ იხილოთ: https://www.bict.ge/
