1.გთხოვთ წარგვიდგინოთ თქვენ თავი ( მცირე ინფორმაცია თქვენს შესახებ – განათლება, პროფესია.)
-გიორგი შამილიშვილი,30 წლის კპიტანი. დავასრულე ოდესის საერთაშორისო საზღვაო აკადემია, ნავიგაციის ფაკულტეტი.
2.გვიამბეთ თუ რატომ აირჩიეთ ეს პროფესია.
-ეს პროფესია ჩვენს ქალაქში დიდი პოპულარობით სარგებლობდა, ასევე ყოველთვის მაინტერესებდა ზღვა და ის თავგადასავლები და გამოწვევები რომელსაც ის გვთავაზობს. სულით მეამბოხე ადამიანი ვარ და ყოველთვის ვფიქრობდი რომ ეს იყო ადგილი სადაც თავს კომფორტულად და სასიამოვნოდ ვიგრძნობდი და მოლოდინმაც არ დააყოვნა, ზღვა ჩემი ცხოვრების ნაწილი გახდა რომელიც ყოველთვის მაიძილებს ტონუსში ყოფნას და მთავაზობს მუდმივ სიაახლეებს მთელი ჩემი საზღვაო მოგზაურობის პერიოდში.
3.გვესაუბრეთ ადრეულ ასაკში კაპიტნობის დადებით და უარტოფით მხარეებზე.
როგორც ავღნიშნე მიყვარს გამოწვევები, რამაც დიდი გავლენა იქონია ნაადრევ ასაკში გავმხდარიყავი კაპიტანი. მოგეხსენებათ რთულია ამხელა პასუხისმგებლობის აღება საკუთარ თავზე 28 წლის ასაკში და მართვა ეკიპაჟის რომლებიც შეიძლება შენზე უფრო გამოცდილები არიან ამ საქმეში, რადგან უფრო დიდი ხანია იციან თუ რა არის ზღვა და ის ცხოვრება, რომელიც ყველა მეზღვაურს გვიწევს რომ გავიაროთ. თუმცა მონდომებამ ყველაფერი მარტვიდავ გადამალახინა, ის შემართება რომელიც მქონდა დამეხმარა ყველაფერი უფრო სწრაფად და მარტივად ამეთვისებინა და გავმხდარიყავი ახალგაზრდა კაპიტანი რომელიც იქნებოდა მაგალითი თავისი ეკიპაჟისთვის, არასდროს ვთქვათ უარი ჩვენს მიზნებზე და ოცნებებზე. კაპიტნობა მართლაც ძალიან საპასუხისმგებლო საქმეა მითუმეტეს, როცა ახალგაზდა ხარ ხშირია შემთხვევებიც , როცა კომპანიებიც ეჭვისთვალით გიყურებენ, რადგამ ამ ასაკში ასეთი პასუხისმგებლობის აღება ბევრს არ უნდა და არც შეუძლია, ამიტომ ბევრი ბარიერი იყო რისი გადალახვაც და დამტკიცებაც მომიწია ამ ბოლო პერიდოში, მაგრამ ესეც გამოწვევა იყო და ვფიქრობ რომ კარგად გავუმკლავდი.
4.როგორი კაპიტანი ხართ და თქვენი აზრით რა არის ყველაზე მნიშვნელოვანი იმისთვის რომ კარგი და წარმატებული იყოთ ამ სფეროში?
ვცდილობ ვიყო კარგი კაპიტანი, მიზანმიმართული, შედეგებზე და რა თქმა უნდა ეკიპაჟზე ორიენტირებული. ალბათ ამას ისიც ადასტურებს რომ უკვე მესამე კონტრაკტია, როგორც კაპიტანი ერთი და იგივე კომპანიაში ვმუშაობ.
5.რა მოგწონთ ყველაზე მეტად თქვენს პროფესიაში? 
მეზღვაურობა თავგადასავლებით სავსე პროფესიაა, არასდროს იცი რას უნდა ელოდო ზღვისგან. ყველა თავის სირთულეს თან ახლავს სასიამოვნო განცდები და მოგონებები რომელსაც ვქმნით ყველა მოგზაურობისას. მიყვარს ზღვა და ოკეანე ეს მეხმარება ჩემს პროფესიაში ბევრი საინტერესო და სასიამოვნო მომენტები დავიჭირო, ასევე ახალი ქვეყნები და ახალი ადამიანები ჩემს ცხოვრებას უფრო საინტერესოს და თავგადასავლებით სავსეს ხდის.
6.რა სირთულეებს აწყდებით პროფესიულ საქმიანობაში და როგორ დაახასიათებთ გაზმზიდი ტიპის გემზე მუშაობის პრინციპს?
გაზმზიდი გემები დღეს ითვლება და არის ყველაზე გამართული და მაღალტექნოლოგიური გემი, შესაბამისად ცოდნა და ყურადღება არის აუცილებელი რადგან ერთერთ საშიშ ტვირთად ითვლება გაზი, სირთულეც ეგ არის როცა ათასობით კუბური მეტრით დატვირთული გემით ასრულებ STS ოპერაციას.
7.გთხოვთ გაგვიზიაროთ თქვენთვის ყველაზე ამაღელვებელი და საინტერესო მომენტი ზღვაში ყოფნის დროს.
სწავლის პერიოდში ყოველთვის ვფიქრობდი ჩემს პირველ მოგზაურობაზე, ბევრჯერ მქონდა წარმოდგენილი თუ როგორი შეიძლება ყოფილიყო ის, თუმცა ნანახმა და განცდილმა მოლოდინს გადააჭარბა. ეს იყო იმაზე უფრო სასიამოვნო და საინტერესო ვიდრე ამას სტუდენტობისას წარმოვიდგენდი. მახსოვს ყველა დეტალი მაინტერესებდა, ვსვამდი ბევრ კითხვებს და ყველაფერს ყურადღებით ვათვალიერებდი. ასევე დღემდე საინტერესო და სასიამოვნოა ჩემთვის Ship To Ship ოპერაციები.
ზღვა არის ადგილი სადაც გაოცებას ვერ ვწყვეტ, ყველა მოგზაურობა განსხვავებული და ერთმანეთზე უფრო საინტერესოა, იმედი მაქვს რომ ბოლომდე ესე გაგრძელდება და არასდროს მომბეზრდება საზღვაო საქმე.
8. რა რჩევებს მისცემდით დამწყებ მეზღვაურებს, რომლებიც გაზზმზიდ გემებზე აპირებენ დასაქმდნენ?
დამწყებ მეზღვაურებს პირველ რიგში ვურჩევდი პრაქტიკული უნარების გაღრმავებას, უცხო ენებისთვის მეტი დროის დათმობას და ამ პროფესიის უკეთ გასაცნობათ გამოცდილი მეზღვაურებისგან რჩევების მიღებას და მათი თავგადასავლების მოსმენას.
მნიშვნელოვანია ყველას კარგათ ქონდეს გააზრებული ამ პროფესიიის დადებითი და უარყოფითი მხარეები, არ არის მარტივი ოჯახიდან შორს შუა ოკეანეში გაატარო 4 ხან კიდევ 6 თვე ან მეტი, გარდა ამისა არის ბევრი სირთულე რომელსაც ნაოსნობისას ვაწყდებით, ამიტომ ფსიქოლოგიურად ყველანი კარგად უნდა მოვემზადოთ ყველა იმ სირთულისთვის რაც გზად შეგვხვდება.
პირველი მოგზაურობა ხშირად ბევრისთვის ძალიან რთულია და ბევრჯერ მინახავს ჩემს ეკიპაჟში რომ დამწყები კადეტები თუ მატროსები მთხოვდნენ ჩამეწერა გემიდან რადგან შეცდნენ და ეს არ არის ის ადგილი სადაც თავს კომფორტულად გრძნობენ, პირველი მოგზაურობა ყოველთვის უფრო რთულია ვიდრე ამას წარმოვიდგენთ, მე ვცდილობ ჩემს დამწყებებს ყოველთვის განსაკუთრებულად მივუდგე, ავუხსნა ყველაფერი და დავეხმარო ამ მოგზაურობის გამარტივებაში, ვფიქრობ კაპიტნებს დიდი როლი გვაქვს ამ საკითხში და მნიშვნელოვანია ჩვენმა ეკოპაჟმა იგრძნოს მხარდაჭერა ჩვენსგან.
