IMO-ს საზღვაო უსაფრთხოების კომიტეტის 107-ე სესიამ (MSC 107) დაამტკიცა SOLAS-ის მე-5 თავში შეტანილი ცვლილებების პროექტი კონტეინერების დაკარგვის შესახებ.
IMO-ს თანახმად, გემზე დაკარგული კონტეინერები სერიოზულ საფრთხეს უქმნის ნავიგაციასა და უსაფრთხოებას ზღვაში. განსაკუთრებით რეკრეაციულ მცურავ იახტებს, სათევზაო გემებსა და სხვა პატარა გემებს, ასევე საზღვაო გარემოს.
CCC ქვეკომიტეტის მიერ შემუშავებული ცვლილებების პროექტი „დაკარგული კონტეინერების გამოვლენისა და ანგარიშგების“ შესახებ, ასევე აქტუალური და მნიშვნელოვანია ნარჩენების შეგროვების თვალსაზრისით.
SOLAS-ის მე-5 თავში (ნაოსნობის უსაფრთხოება) ცვლილებების პროექტი, უშუალოდ ეხება 31-ე რეგულაციას (საშიში შეტყობინებები). ეს რეგულაცია მოითხოვს, რომ ყველა გემის კაპიტანმა, რომლის ხომალდიდანაც დაიკარგება სატვირთო კონტეინერ(ები)ი, უნდა მიაწოდოს დეტალური ინფორმაცია ინციდენტის შესახებ სხვა გემებს, უახლოესი სანაპირო სახელმწიფოების დახმარებით, რომლებსაც მოეთხოვება IMO-სთვის ინფორმაციის გადაცემა.
ცვლილებების პროექტი ასევე ეხება 32-ე რეგულაციას (საშიში შეტყობინებები და საჭირო ინფორმაცია), რომელშიც მითითებულია ინფორმაცია ინციდენტის შესახებ, ასევე პოზიცია, კონტეინერების რაოდენობა და ა.შ, რომელიც უნდა გადაეცეს ზემდგომ ორგანოებს.
ასევე იხილეთ: გვინეის ყურეში მეკობრეების თავდასხმის შემდეგ, ნიგერია თავდაცვით ძალებს აძლიერებს
