ტრანსპორტისა და ტურიზმის კომიტეტმა მხარი დაუჭირა ევროკავშირის განახლებულ რეგულაციებს, რომლებიც ევროპის ზღვებში მცურავ გემებსა და ზღვის დაბინძურების საკითხებს ეხება.
ტრანსპორტისა და ტურიზმის კომიტეტის ევროპარლამენტარები ხაზგასმით ამობობენ, რომ ევროკავიშირის ზღვებში მცურავ გემებს უნდა დაეკისროთ გარკვეული ჯარიმები, არა მხოლოდ ნავთობის დაღვრაზე, არამედ საკანალიზაციო წყლებისა და ნაგვის უკანონოდ ჩაშვებაზე ზღვაში.
იმ შემთხვევაში თუ უკანონოდ ზღვის დაბინძურების გამო კაპიტანი ან გემის ეკიპაჟი ვერ მოიძებნა ან ვერ ახდენს სრული ოდენობით ჯარიმის დაფარვას, გემთმფლობელმა პასუხი უნდა აგოს მათ მიერ გამოწვეული გარემოსდაცვითი ზიანის გამო, ევროპარლამენტარებს ასევე სურთ, რომ ევროკავშირის მთავრობებმა თავი აარიდონ დარღვევებზე მაქსიმალური ან მინიმალური ჯარიმების დაწესებას, რათა ამით სასჯელის ეფექტურობა და პროპორციულობა არ დაირღვეს.
სტატიაში აღნიშნულია,რომ ევროკავშირის ამჟამინდელი წესები ამ კონკრეტულ საკითხთან მიმართებაში არ მუშაობს, რადგან ისინი სუსტად გამოიყენება წევრი ქვეყნების მიერ, რაც მიუღებელია. დროა ამ ქვეყნებმა გააძლიერონ და დაიცვან ევროპის ზღვები, ნარჩენების უკანონოდ გადაყრისა და მავნე ზემოქმედებისგან. აუცილებელია უკანონო საქმიანობის ეფექტური გამოვლენა და ჯარიმის დაწესება, ისეთ დონეზე, რომელიც რეალურად შემაკავებელი ფაქტორი იქნება ყველასთვის.
