საზღვაო ორგანიზაციები

International Maritime Organization / საერთაშორისო საზღვაო ორგანიზაცია – 1948 წელს ჟენევის საერთაშორისო კონფერენციამ მიიღო კონვენცია და ოფიციალურად დაარსდა IMO (თავდაპირველი სახელი იყო საზღვაო სამთავრობო საკონსულტაციო ორგანიზაცია, IMCO, მაგრამ სახელი შეიცვალა 1982 წელს და გახდა IMO). IMO-ს კონვენცია ძალაში შევიდა 1958 წელს. ორგანიზაციის მიზნები, შეჯამებულია კონვენციის 1(a) მუხლით და წარმოადგენს: „ხელისუფლებებს შორის თანამშრომლობის მექანიზმის უზრუნველყოფა სამთავრობო რეგულირებისა და პრაქტიკის სფეროში, რომელიც ეხება ყველა სახის ტექნიკურ საკითხს, რომლებიც გავლენას ახდენენ საერთაშორისო ვაჭრობაში ჩართულ გემებზე“.

საერთაშორისო საზღვაო ორგანიზაციის (IMO), როგორც გაერთიანებული ერების ორგანიზაციის სპეციალიზებული სააგენტოს მისიაა ეკოლოგიურად უსაფრთხო, ეფექტური და მდგრადი გადაზიდვების ხელშეწყობა თანამშრომლობის გზით. ნაოსნობის ეფექტურობა, გემებისგან წარმოქმნილი დაბინძურების პრევენცია და კონტროლი, ასევე შესაბამისი სამართლებრივი საკითხების განხილვისა და IMO-ს ინსტრუმენტების ეფექტური განხორციელების გზით მათი უნივერსალური და ერთიანი გამოყენება.                    დამატებითი ინფორმაციისათვის ეწვიეთ  ბმულს – https://www.imo.org/

International Labour Organization / საერთაშორისო შრომის ორგანიზაცია  – გაეროს ერთადერთი სამმხრივი სააგენტო, ფუნქციონირება დაიწყო 1919 წლიდან და აერთიანებს 187 წევრი ქვეყნის მთავრობებს, დამსაქმებლებსა და დასაქმებულებს, რათა დაადგინონ შრომის სტანდარტები, შეიმუშაონ პოლიტიკა და პროგრამები, რომლებიც ხელს შეუწყობს ღირსეული სამუშაო გარემოს შექმნას. ILO-ს ძირითადი მიზნებია სამუშაო  უფლებების ხელშეწყობა და რეგულირება, ღირსეული დასაქმების შესაძლებლობების წახალისება, სოციალური დაცვის გაძლიერება და სამუშაოსთან დაკავშირებულ საკითხებზე დიალოგის გაძლიერება.                                                                          დამატებითი ინფორმაციისათვის ეწვიეთ ბმულს – https://www.ilo.org/global/lang–en/index.htm

The European Maritime Safety Agency / ევროპის საზღვაო უსაფრთხოების სააგენტო – ევროპის საზღვაო უსაფრთხოების სააგენტო (EMSA) დაარსდა 1990-იანი წლების ბოლოს. EMSA შეიქმნა, როგორც მარეგულირებელი სააგენტო, რომელიც უზრუნველყოფდა ევროკომისიისა და წევრი ქვეყნების მხარდაჭერის ძირითად წყაროს საზღვაო უსაფრთხოების, უსაფრთხოებისა და გემებისგან წარმოქმნილი დაბინძურების თავიდან აცილების სფეროში. სააგენტო შეიქმნა რეგულაციით (EC) No 1406/2002 და შემდგომ გაფართოვდა მისი მანდატი, სხვა ღონისძიებებთან ერთად, საზღვაო ტრანსპორტის ეფექტურობის განსავითარებლად. დამატებითი ინფორმაციისათვის ეწვიეთ მითითებულ ბმულს –  https://www.emsa.europa.eu/

Australian Maritime Safety Authority / ავსტრალიის საზღვაო უსაფრთხოების ორგანო – ავსტრალიის საზღვაო უსაფრთხოების ორგანო (AMSA)  დაარსდა 1990 წელს, წარმოადგენს ავსტრალიის საკანონმდებლო ორგანოს, რომელიც პასუხისმგებელია ავსტრალიის საზღვაო ფლოტის რეგულირებაზე და უსაფრთხოების ზედამხედველობაზე, ასევე ავსტრალიის საერთაშორისო საზღვაო ვალდებულებების მართვაზე. AMSA-ს ეკისრება  ოკეანისა და სანაპირო ნავიგაციისთვის საჭირო დახმარებაზე პასუხისმგებლობა.                                                                          დამატებითი ინფორმაციისათვის ეწვიეთ მითითებულ ბმულს –  https://www.amsa.gov.au/

The International Transport Workers’ Federation / სატრანსპორტო მუშაკთა საერთაშორისო ფედერაცია – წარმოადგენს სატრანსპორტო მუშაკთა გაერთიანების დემოკრატიულ გლობალური კავშირის ფედერაციას, რომელიც დაარსდა 1896 წელს. 2017 წელს ITF-ს ჰყავდა 677 წევრი ორგანიზაცია 149 ქვეყანაში, რომლებიც წარმოადგენენ სატრანსპორტო მუშაკთა 19,7 მილიონ წევრს. დამატებითი ინფორმაციისათვის ეწვიეთ ბმულს –  https://www.itfseafarers.org/en

საერთაშორისო კლასიფიკაციის საზოგადოებების ასოციაცია (IACS) არის ტექნიკურად დაფუძნებული არასამთავრობო ორგანიზაცია, რომელიც ამჟამად შედგება თერთმეტი წევრი საზღვაო კლასიფიკაციის საზოგადოებისგან. მსოფლიო ტვირთმზიდი გემების ტონაჟის 90%-ზე მეტი დაფარულია IACS-ის წევრი საზოგადოებების მიერ დადგენილი კლასიფიკაციის სტანდარტებით.

დამატებითი ინფორმაციისთვის ეწვიეთ მითითებულ ბმულს – https://iacs.org.uk/ 

The Baltic and International Maritime Council / ბალტიისპირეთისა და საერთაშორისო საზღვაო საბჭო – დაარსდა 1905 წელს და წარმოადგენს მსოფლიოში უმსხვილეს პირდაპირ ორგანიზაციას გემთმფლობელებისთვის, დამქირავებლებისთვის, გემთბროკერებისთვისა და აგენტებისთვის. წარმოდგენილია 2100 წევრით 120-ზე მეტ ქვეყანაში. დამატებითი ინფორმაციისათვის ეწვიეთ ბმულს – https://www.bimco.org/

International Organization for Standardization / სტანდარტიზაციის საერთაშორისო ორგანიზაცია  – წარმოადგენს დამოუკიდებელ, არასამთავრობო ორგანიზაციას, რომელიც გაწევრიანებულია 168 ეროვნული სტანდარტების ორგანოში. ISO დაარსდა 1947 წლის 23 თებერვალს და გამოაქვეყნა 24,500-ზე მეტი საერთაშორისო სტანდარტი (2022 წლის ნოემბრის მონაცემებით), რომელიც მოიცავს ტექნოლოგიის და წარმოების თითქმის ყველა ასპექტს. დამატებითი ინფორმაციისათვის ეწვიეთ ბმულს – https://www.iso.org/home.html

World Health Organization / ჯანდაცვის მსოფლიო ორგანიზაცია  – ჯანდაცვის მსოფლიო ორგანიზაცია (WHO) დაარსდა 1948 წელს და წარმოადგენს გაეროს სპეციალიზებულ სააგენტოს, რომელიც პასუხისმგებელია საერთაშორისო საზოგადოებრივ ჯანმრთელობაზე. სათაო ოფისი მდებარეობს ჟენევაში, შვეიცარიაში. დამატებითი ინფორმაციისათვის ეწვიეთ ბმულს – https://www.who.int/

International Chamber of Shipping / საერთაშორისო გადაზიდვების პალატა – 1921 წელს დაარსებული საერთაშორისო გადაზიდვების პალატა (ICS) საერთაშორისოდ არის აღიარებული, როგორც ძირითადი სავაჭრო ასოციაცია გემთმფლობელთა და ოპერატორთათვის. დამატებითი ინფორმაციისათვის ეწვიეთ ბმულს – https://www.ics-shipping.org/

Recognized Organization – RO / აღიარებული ორგანიზაცია, ავტორიზებულია ევროპარლამენტისა და საბჭოს მიერ 2009 წლის 23 აპრილის რეგულაციით (EC) 391/2009 გემების ინსპექტირებისა და კვლევის ორგანიზაციების საერთო წესებისა და სტანდარტების შესახებ. ორგანიზაცია ასრულებს ნორმატიულ მოთხოვნებს გემის დროშის სახელმწიფოს სახელით.

დეტალური ინფორმაციისთვის ეწვიეთ ბმულს – https://www.dgrm.mm.gov.pt/en/web/guest/or

Port State Control – ნავსადგურის სახელმწიფო კონტროლი

ნავსადგურის სახელმწიფო კონტროლი (PSC) ახდენს უცხოური გემების ინსპექტირებას ეროვნულ პორტებში, რათა დაადასტუროს, რომ გემის და მისი აღჭურვილობის მდგომარეობა შეესაბამება საერთაშორისო რეგულაციების მოთხოვნებს და იმას, რომ გემი იმართება და მუშაობს ამ წესების შესაბამისად. ორგანიზაციამ მიიღო რეზოლუცია A.682(17) გემების კონტროლისა და განტვირთვის სფეროში რეგიონული თანამშრომლობის შესახებ, რაც ხელს უწყობს რეგიონული ხელშეკრულებების დადებას.

გემების სტანდარტებზე პირველადი პასუხისმგებლობა დროშის სახელმწიფოს ეკისრება, მაგრამ ნავსადგურის სახელმწიფო კონტროლი უზრუნველყოფს „უსაფრთხო ქსელს“ არასტანდარტული გემების დასაჭერად.

IMO-მ ხელი შეუწყო საერთაშორისო შეთანხმებებს, სახელწოდებით ურთიერთგაგების მემორანდუმებს პორტის სახელმწიფო კონტროლის ცხრა გეოგრაფიულ რეგიონად გაყოფის მიზნით, რომლებმაც უნდა აღასრულონ საერთაშორისო რეგულაციები, რომლებიც დადგენილია IMO-ს მიერ.

დამატებითი ინფრომაციისთვის ეწვიეთ ბმულს – https://www.imo.org/en/ourwork/msas/pages/portstatecontrol.aspx

Flag State-ს როლი არის თითოეული გემის რეგულარული ინსპექტირება, რათა უზრუნველყოს მათი ტვირთისა და ეკიპაჟის წევრების უსაფრთხოება. სახელმწიფო, სადაც გემი დარეგისტრირდება, ასევე პასუხისმგებელია ამ გემიდან გადასახადების შეგროვებაზე და მათი დროშის ქვეშ მცურავი გემების დაბინძურების დონის რეგულირებაზე.

Flag State მძლავრი და გადამწყვეტია იმაში, თუ როგორ შეუძლიათ გავლენა მოახდინონ და დაიცვან წყლები პოტენციური საფრთხისგან და დაბინძურებისგან. ამგვარად, ისინი ადგენენ უსაფრთოხების რეგულაციებსა და ქმნიან საკანონმდებლო ორგანოებს, რომლებიც უნდა დაიცვას მათი დროშის ქვეშ მცურავმა ყველა გემმა, დროშის სახელმწიფოებს შეუძლიათ დაეხმარონ საერთაშორისო საზღვაო საკითხების თავიდან აცილებას და შეჩერებას, როგორიცაა უკანონო თევზაობა ან მეკობრეობა.

იმისათვის, რომ დარეგისტრირდეთ Flag state-ში საერთაშორისო საზღვაო ორგანიზაცია გამოსცემს (IMO) კონკრეტულ სტანდარტებსა და რეგულაციებს. ამის შემდეგ გემებმა უნდა წარმოადგინონ სერთიფიკატები, რათა დაამტკიცონ, რომ ისინი აკმაყოფილებენ არსებულ სტანდარტებს, მათ შორის სერთიფიკატებს აღჭურვილობის, მშენებლობისა და რადიო უსაფრთხოების შესახებ.

დეტალური ინფორმაციისთვის ეწვიეთ ბმულს – https://emisa.eu/the-role-of-flag-states/

ჰიდროგრაფიული სამსახური გულისხმობს ბათიმეტრიული, ჰიდროგრაფიული, სანაპირო ზოლის, გეოდეზიური, გეოსივრცითი, გეომაგნიტური და მოქცევის, წყლის დონის და მიმდინარე ინფორმაციის მართვას, შენარჩუნებას, ინტერპრეტაციას, სერტიფიცირებას და გავრცელებას, მათ შორის აწარმოებს საზღვაო სქემებს, ასევე საზღვაო საინფორმაციო ბაზებიდან და ჰიდროგრაფიული მონაცემებიდან მიღებულ სხვა პროდუქტებს;

ყველა ქვეყანას ჰყავს სახელმწიფო ჰიდროგრაფიული სამსახური, რომელთა შემადგენლობაშიც შედის სანაპირო ზოლზე განლაგებული სანავიგაციო მოწყობილობათა სისტემები, მნათი და არამნათი სანავიგაციო ნიშნები და ღია ზღვაში განლაგებული კარდინალური და ლატერალური ნიშნები, რომლებიც მცურავი საშუალებების უსაფრთხო ნავიგაციას უზრუნველყოფენ.

ინფორმაცია საქართველოს ჰიდროგრაფიული სამსახურის შესახებ შეგიძლიათ იხილოთ ბმულზე: http://hydrography.ge/

საზღვაო უნივერსიტეტების საერთაშორისო ასოციაცია (IAMU) წარმოადგენს წამყვანი საზღვაო უნივერსიტეტების გლობალურ ქსელს, რომელიც უზრუნველყოფს მეზღვაურთა საზღვაო განათლებასა და მომზადებას გლობალური გადაზიდვის ინდუსტრიისთვის. IAMU-მ მნიშვნელოვნად გააფართოვა თავისი წევრობა და დღესდღეისობით წარგვიდგება 73 უნივერსიტეტით, აკადემიითა და სხვდასხვა ფაკულტეტებით მსოფლიოს საზღვაო განათლებისა და სასწავლო დაწესებულებებით.

დამატებითი ინფორმაციისთვის ეწვიეთ მითითებულ ბმულს – https://iamu-edu.org/ 

საზღვაო ინსტიტუტი წარმოადგენს არასამთავრობო ორგანიზაციას, რომელსაც აქვს საკონსულტაციო სტატუსი საერთაშორისო საზღვაო ორგანიზაციაში (IMO). მათი მიზანია ხელი შეუწყოს პროფესიონალიზმს, პრაქტიკასა და უსაფრთხოებას საზღვაო ინდუსტრიაში, ასევე მაქსიმალურად გააძლიერონ პროფესიული განათლება, რომლის მთავარ ფუნქციას სტანდარტების გაუმჯობესება წარმოადგენს.

დამატებითი ინფრომაციისთვის ეწვიეთ მითითებულ ბმულს – https://www.nautinst.org/ 

IALA ( International Association of Marine Aids to Navigation and Lighthouse Authorities ) წარმოადგენს საზღვაო დახმარების საერთაშორისო ასოციაციას ნავიგაციისა და შუქურის ავტორიტეტებისთვის, ადრე მოიხსენიებდნენ, როგორც შუქურის ხელისუფლების საერთაშორისო ასოციაციას. IALA წარმოადგენს არაკომერციულ, საერთაშორისო ორგანიზაციას, რომელიც დაარსდა 1957 წელს.

დამატებითი ინფორმაციისთვის ეწვიეთ მითითებულ ბმულს – https://www.iala-aism.org/