Lucent Georgia LLC წარმოადგენს საკრუინგო კომპანიას, რომელიც დაარსდა 2011 წელს. დეტალურად კომპანიის შესახებ მმართველი დირექტორი ბატონი თემელ შაშიკაშვილი გვესაუბრა.
თქვენი კომპანიის დასახელება და კომპანიის წარმომადგენელის სახელი და გვარი – კომპანია – Lucent Georgia, მმართველი დირექტორი – თემელი შაშიკაშვილი.
რომელი წლიდან ფუნქციონირებს თქვენი საკრუინგო კომპანია? – კომპანია ფუნქიონირებს 2011 წლიდან, თუმცა 2020 წელს მოხდა რებრენდირება, შეიცვალა კომპანიის სახელწოდება და ახალი ბრენდით წარგვიდგა ბაზარზე, როგორც – Lucent Georgia. რებრენდირებამდე კომპანიის სახელწოდება გახლდათ LAM Shipping Agency Georgia.
აღიარებული ხართ თუ არა სსიპ „საქართველოს საზღვაო ტრანსპორტის სააგენტოს“ მიერ? – ჯერ-ჯერობით არ ვართ აღიარებული „საქართველოს საზღვაო ტრანსპორტის სააგენტოს “ მიერ.
ხართ თუ არა სერტიფიცირებული MLC 2006 შესაბამისად? – დიახ, პირველი MLC 2006-ის სერტიფიკატი სწორედ ჩვენმა კომპანიამ მიიღო და 2011 წლიდან MLC-ის შესაბამისად ვმუშაობთ.
თქვენი სააგენტო უშუალოდ გემთფლობელი / გემთმენეჯმენტი კომპანიის წარმომადგენლობაა თუ არა? – Lucent Georgia წარმოადგენს გემთმფლობელ კომპანიას.
რამდენ მეზღვაურს ასაქმებთ ყოველწლიურად? – ყოველწლიურად Lucent Georgia დაახლოებით 100 მეზღვაურს ასაქმებს.
რომელი თანამდებობებია ყველაზე მეტად მოთხოვნადი და რატომ? – ყველაზე მეტად მოთხოვნადი თანამდებობი გახლავთ უფროსი თანაშემწე და უფროსი მექანიკოსი, თუმცა სამწუხაროდ შესაბამისი კადრების მოძიება საკმაოდ რთული და პრობლემატური საკითხია.
რა ტიპის გემებზე არის მოთხოვნა? – მოთხოვნა ყველა ტიპის გემებზეა, ძირითადად ქიმმზიდ ტანკერებზე, თუმცა ბოლო პერიოდის განმავლობაში განსაკუთრებულად გაიზარდა მოთხოვნა საკონტეინერო გემებზე.
რამდენად პრობლემატურია ქართველი მეზღვაურების დასაქმებისათვის ინგლისური ენის ცოდნა? – სამწუხაროდ ინგლისური ენა ძალიან პრობლემატურ საკითხს წარმოადგენს, განსაკუთრებით კი რიგითებთან.
დასაქმების წინ მეზღვაურებს უტარდებათ თუ არა გასაუბრება და ვის მიერ? და რა კრიტერიუმებით ხდება მეზღვაურის შერჩევა? – დასაქმების წინ აუცილებლად ტარდება გასაუბრება, რომელიც ჩვენს კომპანიაში მოიცავს 2 ეტაპს. პირველ ეტაპზე გასაუბრება ხდება უშუალოდ Lucent Georgia-ის წარმომადგენლებთან, ხოლო პირველი ეტაპის წარმატებით გავლის შემდეგ, მეორე ეტაპზე გასაუბრება ხდება უშუალოდ გემთმფლობელი კომპანიის წარმომადგენლებთან, რომლებიც დამატებით თავად ნიშნავენ ინტერვიუს სპეციფიკიდან გამომდინარე.
თქვენი აზრით რა მიმართულებით ესაჭიროებათ მეზღვაურებს დამატებითი წვრთნები / გადამზადებები?
- ინგლისური ენა
- ფსიგოლოგიური მომზადება
- პროფესიული მიმართულებით
პირველ რიგში ინგლისური ენა და ფსიქოლოგიური მომზადება აუცილებელია, განსაკუთრებით კი პირველ წამსვლელებისათვის. ჩვენ მაქსიმალურად ვცდილობთ მუმდივი კომუნიკაცია გვქონდეს პირველწამსვლელებთან/კადეტებთან. ყოფილა შემთხვევები, როცა ადამიანის ოცნება ყოფილა მეზღვაურობა, თუმცა გემზე ასვლის შემდეგ გაუაზრებიათ, რომ ეს პროფესია მისი არ არის. ძირითადად ამ სახის პრობლემებს ვაწყდებით დედისერთებთან, რომლებთათვის პირველი 3 თვე განსაკუთრებით რთულია. თუმცა ჩვენი კონპანიის ფუნქციონირების პერიოდში კონტრაქტის დროზე ადრე გაწყვეტის მხოლოდ 2 შემთხვევა გვქონდა აღნიშნული სირთულეების გამო.
რა პრობლემებს აწყდებით მეზღვაურთა დასაქმების დროს? ინგლისური ენა / მეზღვაურთა კომპეტენცია / არასრულფასოვანი საზღვაო განათლება / არასრულფასოვანი საზღვაო წვრთნები – პირველ რიგში, რა თქმა უნდა, უდიდესი პრობლემა გახლავთ ინგლისური ენა, გასაუბრების სპეციფიკიდან გამომდინარე შეგვიძლია ვთქვათ, რომ რიგითები ძალიან დაბალ დონეზე ფლობენ ინგლისურ ენას, უჭირთ კომუნიკაცია და საუბარი. არსებობს შემთხვევები, როცა ხვდებიან ინგლისურ ენას, თუმცა პრაქტიკის ნაკლებობიდან გამომდინარე უჭირთ მეტყველება. რაც შეეხება არასრულფასოვან საზღვაო განათლებას, ამ პრობლემას განსაკუთრებით ხშირად ისევ ვაწყდებით რიგითებში, რადგან ისინი ნაკლებად სწავლობენ იმას, რაც რეალურად დაჭირდებათ გემზე. როცა რიგითებს ვასაქმებთ ჩვენი კომპანიისთვის პრიორიტეტული და მნიშნელოვანი ინგლისური ენის ცოდნაა. ამიტომ, პრაქტიკიდან გამომდინარე ვცდილობთ, რომ ჩვენ მეზღვაურებს გემზე შევასწავლოთ და გავაუმჯობესებინოთ ინგლისური ენა.
რა ღონისძიებებია ჩასატარებელი იმისათვის რომ ქართველი მეზღვაური მეტად მოთხოვნადი გახდეს საერთაშორისო ბაზარზე? – პირადად ჩემი აზრით, რომელიც არაერთხელ დამიფიქსირებია ვფიქრობ, რომ პირველივე კურსის შემდეგ უნდა მოხდეს სტუდენტების გაფილტვრა და ისინი, რომლებიც ვერ გადალახავენ მინიმალურ კომპეტენციასა და საჭირო ბარიერს უნდა გათავისუფლდნენ უნივერსიტეტიდან. საზღვაო სპეციფიკიდან გამომდინარე, ის სტუდენტები, რომლებიც ელექტრო და მექანიკურ ფაკულტეტებზე სწავლობენ უფრო მეტ პასუსხისმგებლობასა და ვალდებულებას მოითხოვენ, ვიდრე ნავიგაციის სტუდენტები, შესაბამისად ამ მხრივ უფრო მეტი ყურადღებაა საჭირო. ყველა სტუდენტი შესაბამისი ქულებით უნდა მოხვდეს მათთვის სასურველ ფაკულტეტზე და 1 წლის შემდეგ შესაბამისად უნდა მოხდეს მათი გაფილტვრა, რადგან ეს გაზრდის კონკურენციას და განათლების ხარისხი იქნება ბევრად უფრო მაღალი.
როგორია კომპანიის სამომავლო გეგმები? – Lucent Georgia-ს მთავარ მიზანს წარმოადგენს ქართველი მეზღავურების დონის ამაღლება პარტნიორ გემთფლობელებთან. ოფიციალურად შეგვიძლია განვაცხადოთ, რომ გავაფორმეთ ხელშეკრულება Cma cgm ship-თან, რომელიც ერთ-ერთი უმსხილესი ფრანგული საკონტეინერო კომპანია გახლავთ საერთაშორისო ბაზარზე საკონტეინერო გემების მხრივ, რომელიც მესამე ადგილს იკავებს მსოფლიოში. Lucent Georgia-ს სამომავლო გეგმები მეზღვაურთა დატრენინგება და იმ შესაძლებლობების მიცემაა, რაც მათ ბაზარზე გამოჩენს, როგორც პროფესიონალებს. ჩვენი სურვილია ქართველი მეზღვაურების სახელი უფრო და უფრო ცნობადი გახდეს, როგორც ევროპის, ასევე საერთაშორისო ბაზარზე.
