- გთხოვთ წარგვიდგინოთ თქვენი თავი ( მცირე ინფორმაცია თქვენს შესახებ – განათლება, პროფესია)?
-მოგესალმებით, მე მქვია უჩა ხუჭუა, შორეული ნაოსნობის ელექტრო ტექნიკოს ოფიცერი. ვარ ბათუმელი. დავამთავრე ბათუმის სახელმწიფო საზრვაო აკადემია, ელექტრო საინჟინრო ფაკულტეტი და ადრეულ ასაკში ვეზიარე ამ პროფესიას, 18 წლისამ უკვე ფეხი დავდგი გემბანზე.
- გვიამბეთ თუ რატომ აირჩიეთ ეს პროფესია?
-თუ რატო ავირჩიე ეს პროფესია, ბევრმა ფაქტორმა განაპირობა, მაგრამ მთავარი მაინც არის ჩემი ბათუმელობა. არ მეგულება ბათუმელი ვისაც ერთხელ მაინც არ ეოცნებოს მეზღვაურობაზე. მამა და ბიძა მეზღვაურები იყვნენ და რა თქმა უნდა ჩემს ოჯახში ბევრი მეზღვაური იყრიდა თავს. მახსოვს მამაჩემის მეგობრები და მათი მონაყოლი ისტორიები და თავისთავად ეს ყველაფერი, ემოციურად ილექებოდა ჩემს ცნობიერებაში, ხოლო საბოლოოდ კი მეც მივიღე გადაწყვეტილება ამერჩია ეს პროფესია.
- როგორია თქვენი ცხოვრება ზღვაში და ხმელეთზე?
-ცხოვრება ზღვაში და ხმელეთზე; ზღვაში მშვიდი და აუჩქარებელი, რადგან ჩემს პროფესიას არ უყვარს სიჩქარე, ბევრ რისკებთანაა დაკავშირებული მეზღვაურობა და სიჩქარეს მოსდევს შეცდომები რაც სარისკო შეიძლება იყოს ჩვენი უსაფრთხოებისთვის. თუმცა არის მომენტები როცა სიტუაცია გკარნახობს და გეუბნება, რომ საქმე გააკეთო სწრაფად და მარჯვედ, მაგრამ ეგეთი სიტუაციები იშვიათია. რაც შეეხება ხმელეთზე ცხოვრებას, ჩემთვის არის მოუსვენარი, საქმის გარეშე ვერ ვჩერდები, სულ მინდა რო რაღაც ვაკეთო, სადღაც წავიდე, ვიმოგზაურო ოჯახთან ერთად და ერთი წამი არ გავატარო უქმად. არ ვიცი ალბათ ეს იმ დროის ანაზღაურებაა , რა დროსაც გემზე ვატარებ ოჯახიდან მოშორებული.
- რატომ უნდა აირჩიონ მეზღვაურებმა ეს პროფესია?
-მეზღვაურმა ეს პროფესია უნდა აირჩიოს იმ შემთხვევაში თუ მას უყვარს და არა იმიტომ რომ რაღაც პრივილეგია აქვს მას. ჩვენ ელექტრო ინჟინრებს სულ სხვა სიტუაცია გვაქვს გემზე, განსხვავებით სხვა მეზღვაურებისგან. ელექტრო ინჟინერს დამხმარე არ ჰყავს და ის ყოველთვის მარტო იღებს გადაწყვეტილებებს, რაც არ უნდა რთულ სიტუაციაში ჩავარდეს. მექანიკოსებს და გემთწამყვანებს ყავთ გვერდით მათი სპეციალობის ადამიანები ვინც გვერდით უდგათ და ეხმარებიან , ხოლო ჩვენ უნდა ვიყოთ ყველანაირად მზად რათა დამხმარე ფიზიკურად არ არის ირგვლივ და გინდა თუ არ გვინდა, საკუთარი თავის იმედი უნდა გვქონდეს.
- ETO-ს დანიშნულება გემზე?
-Eto-ს პასუხისმგებელია , მთელი გემის ელექტრო სისტემის მართვასა და მომსახურეობაზე. ის ყოველდღიურად აკონტროლებს მთელი გემის ელექტრო სისტემის გამართულ მუშაობას და რაიმე ხარვეზის შემთხვევაში ახორციელებს მის შეკეთებასა და მწყობრში მოყვანას. თუმცა ყველა გამოცდილი ელექტრო მექანიკოსი გეტყვით რომ , არის იშვიათად ისეთი სიტუაციები გემზე როცა ჩვენ კოლეგებს გემზე ჭირდებათ დამხმარე ხელი და ჩვენც გვერდით ვუდგავართ მათ რადგან პირადად ჩემთვის ეს არის დაუწერელი კანონი.
- ETO-ს უპირატესობები და ნაკლოვანებები
-უპურატესობა არის ის რომ ჩვენ ვართ უფრო თავისუფლები , იმ მხრივ რომ არ გვეხება მორიგეობა გემზე და ყველანაირ სამუშაოს ვასრულებთ დღის განმავლობაში , ხოლო ღამე გვძინავს ნორმალურად. რაც შეეხება ნაკლოვანებებს, აბა რა გითხრათ , 31 წლის მეზღვაური ვარ და ჯერ ნაკლოვანება ჩემ სპეციალობას ვერ ვუნახე.
- რას ურჩევთ დამწყებ ელექტრომექანიკოსებს?
-მხვდა წილად ბედნიერება და ვეზიარე პედაგოგის პროფესიასაც. რამოდენიმე წელი ლექციებს ვკითხულობდი ბათუმის საზღვაო აკადემიაში, ხოლო ეხლა ჩემს მეზღვაურულ საქმესთან ერთად ვმოღვაწეობ საუკეთესო გუნდთან ერთად საზღვაო ტრენინგ ცენტრსა და საზღვაო სასწავლებელ მერიდიანში და მინდა ვთქვა რომ ყველგან, ყველა ჩემ სტუდენტს ვეუბნები, რომ პერმანენტული სწავლა არის ის რაც მათ გახდის ნამდვილ პროფესიონალ მეზღვაურათ, რადგან დღითი დღე იცვლება ყველაფერი უკეთესობისკენ, ტექნოლოგიები უფრო ნვითარდება და ჩვენ თუ არ ვისწავლეთ , ფიზიკურად ვერ დავეწევით ამ განვითარების ტალღას, რაც საბოლოოდ გამოიწვევს ჩვენ მეზღვაურებზე მოთხოვნის შემცირებას, ამიტომაც სწავლა და ახლის გაგება არის ის ერთადერთი რამ, რაც მე შემიძლია ვურჩიო ჩვენ მომავალ თაობას.
- რა რეკომენდაციას გასცემდით Advance Training Program For “ETO”
– ETO-ს გაძლიერებული შემსწავლელი კურსები, არის ის საშუალება სადაც დამწყებ eto-ს შეუძლია კიდევ ერთხელ გაიაროს ის საკვანძო ძირითადი საკითხები და აღმოფხვრას ყველა ის ნაკლოვანებები რაც შეიძლება ახალბედა eto-მ გადააწყდეს თავის კარიერაში პირველი ნაბიჯების გადადგმის დროს.
